COMUNICADO DA ANPA DE RIOMAIOR APOIANDO A XORNADA DE FOLGA DO DÍA 24

 A ANPA DO CEP de Riomaior apoia a folga de profesores, alumn@s, pais e nais convocada para o xoves 24 de outubro  porque estamos en CONTRA

      Ø  dos recortes en educación

o que supón aumento das ratio nas aula,  a non substitución do profesorado na aula ata despois de 14 días ou aumento da carga lectiva do profesorado entre outras iniciativas. Accións que levan ó desmantelamento da educación pública para beneficio da iniciativa privada (destinan grandes partidas para subvencionar a educación primaria, secundaria e agora tamén o bacharelato dos centros concertados e adican solo público para construción de centros privados). 

Ø  da redución de axudas ao alumnado e ás familias.  

Ø  Da lei Wert

·         Porque non foi consensuada coas comunidades educativas.

·         Porque supón unha contrarreforma, ó noso parecer, ideolóxica,

            -xa que  vai financiar a centros  que discriminan en función do sexo (algo que estáa suceder en centros de ideoloxía relixiosa ultraconservadora).

            - Vai aumentar a carga lectiva da materia de relixión e a súa importancia.

            -Eliminan na súa totalidade materias como  Educación para a  Cidadanía ou    Ciencias do mundo contemporáneo ou parcialmente a música, tecnoloxía na ESO.

·         Resta valor e funcións ó Consello Escolar.

·         Porque infravalora o traballo do profesorado, sometendo ós alumn@s a  probas externas  que serán realizadas por empresas privadas,  sen ter en conta a avaliación do alum@ por parte dos profesores que lle impartiron as materias ó longo do curso.

POLO ARRIBA EXPOSTO, ANIMÁMOSVOS A QUE PARTICIPEDES NESTA XORNADA REIVINDICATIVA E ASISTADES AS CONCENTRACIÓNS PREVISTAS.