CULTURGAL 2011 en Pontevedra esta fin de semana

CULTURGAL 2011: FEIRA DAS INDUSTRIAS CULTURAIS   2-3-4 de decembro de 11 a 14h30 e de 16h30 a 21h30 Lugar: Pazo da Cultura de Pontevedra Prezo: Acceso gratuíto Máis información en http://culturgal.com/

Esta fin de semana celébrase no Pazo da Cultura a cuarta edición de Culturgal, a Feira das Industrias Culturais. Do venres ao domingo,  en horario de 11h a 14h30 e de 16h30 a 21h30, poderedes escoller  entre máis de 24 actuacións musicais en directo, máis de 20 obras de  teatro, máis de 30 actividades relacionadas co mundo do libro, múltiples  presentacións de proxectos tecnolóxicos e as primeiras imaxes das  propostas audiovisuais que pronto chegarán aos cines galegos.  Serán tres días intensos,cheos de propostas para todos os gustos,  sen un momento libre para o aburrimento... especialmente,  para os máis pequenos da casa. Contacontos, representacións teatrais, lecturas dramatizadas, monicreques, música, un rol en vivo, obradoiros e unha actuación de Mamá Cabra o domingo  pola mañá no Auditorio do Pazo convertirán Culturgal na cita anual  favorita de todos nenose nenas da cidade. Non volo podedes perder. Consultade o programa (en pdf ou na web)

ENCONTRO FAMILIA-ESCOLA

ACTIVIDADES EXTRAESCOLARES DE TARDE

Concentración por un ensino público de calidade

 LUNS 3 DE OUTUBRO ÁS 20:OO HORAS NA PRAZA DA PEREGRINA.

A XUNTA DIRECTIVA DE FANPA-PONTEVEDRA ENTENDE QUE ESE LEMA É O PRINCIPAL DOS NOSOS OBXECTIVOS, RAZÓN POLA CAL DEBEMOS SUMARNOS A ESA CONCENTRACIÓN, PARA FACER CHEGAR A NOSA PREOCUPACIÓN E SENTIR.

GUSTARÍANOS FACER CHEGAR DÚAS FRASES QUE DEFINAN O QUE BUSCAMOS PARA A EDUCACIÓN DOS NOS@S FILL@S

QUEREMOS QUE O ENSINO PÚBLICO GARANTA A IGUALDADE DE OPORTUNIDADES NA SOCIEDADE PARA AS NOSAS FILLAS E FILLOS.

O MAIOR AFORRO CONSÉGUESE CUNHA MAIOR INVERSIÓN EN EDUCACIÓN

DENDE A FANPA APOIAMOS A ASISTENCIA A ESTA CONCENTRACIÓN.

http://www.nontedurmas.org/familias/article/concentracion-por-un-ensino

I Xornada de Sensibilización sobre especies exóticas invasoras no Concello de Vilaboa.

Será o sábado 24 de setembro a partir das 5 da tarde no centro cultural da Lagoa de As Lapas en Paredes. A xornada consistirá nunha charla impartida por Laura Capdevila (GEIB), actividades na lagoa e a proxección do documental "Los Invasores" de Luis Miguel Domínguez.

Trátase dunha actividade de educación ambiental que seguro resultará interesante para toda a familia, xa que haberá tamén un obradoiro de fabricación de trampas recicladas para pescar caranguexos americanos.

Aquí van unhas indicacións para chegar á lagoa:Indo pola N-550 dirección Vigo, uns 50 m. antes da gasolineira de BP de Paredes, hai un cruzamento á esquerda. Hai que subir por esa estrada e virar á esquerda de novo no seguinte. Despois chégase a unha chaira onde hai outro cruzamento e tómase o da dereita. 100 metros máis arriba está a lagoa.

Falando sobre sexualidade en familia

Federación de ANPA de Pontevedra: 

Charla sobre sexualidade, o vindeiro 10 de xuño no Centro Cultural Caixanova, ás 20:30 hras.

 

Impartido por Julio Carmona (formado para esta charla por CEAPA)

 

Sesión de 1 hora y media dirixida dende pais e nais a pais e nais. Propón achegarnos a unha idea grande de sexualidade e que como pais e nais sexamos capaces de xogar o noso papel: como falar de sexualidade, qué contarlles, como actuar ante algunhas situacións que parecen incómodas, todo ilo coa opinión e as preocupacións dos pais e nais asistentes.
A través da sesión, poderá verse como pais e nais, ou como persoas adultas con nenos ou nenas ao cargo, podemos sentirnos absolutamente capaces de facer educación sexual de calidade desde o principio, desde que nace o bebé, compartindo a responsabilidade con outros axentes sociais. Contemplaremos como abordar a sexualidade nas diferentes etapas evolutivas, na súa dimensión sexual, afectiva e social e cos significados que leva, como enfrontarse ás preguntas mantendo a coherencia, como analizar os modelos de beleza, como previr o VIH SIDA e outras moitas cousas máis.


Inscrición: por correo electrónico en info@nontedurmas.org ou por teléfono no 986 843 412
Prazas:20 persoas, se houbese máis demanda podemos contemplar dar outra charla.

ENCONTRO FAMILIA - ESCOLA

Os departamentos de orientación do CEP de Riomaior –CRA de Vilaboa e CPI do Toural, invitan ás familias do noso alumnado de educación infantil e primaria, ó II Encontro de educadoras/es.

Como acordamos na xuntanza anterior, o tema será  “Como mellorar o comportamento dos nosos fillos e fillas e fomentar a autorregulación. Límites, normas e consecuencias ”. Nesta ocasión contaremos tamén coa colaboración da educadora familiar do Concello Beni Crespo.

Esta xuntanza, na que esperamos contar coa vosa asistencia, terá lugar o vindeiro xoves día  9 de xuño ás 10:00 horas da mañá no local de Protección Civil do Toural .

Mª Luz Lorenzo, Orientadora do CEP de Riomaior

Cristina González, Orientadora do CPI  Toural e CRA de Vilaboa

OFERTA ÓPTICA PARA OS SOCIOS DA ANPA

OPTICALIA

Opticalia pon ao servizo de todos os socios da ANPA de Riomaior, as súas instalacións, nas que realizarán unha campaña de prevención de alteracións visuais nos nenos e nenas. Tamén poderán beneficiarse dunhas condicións especiais de descontos:

• 22% en lentes e monturas graduadas

• 17% en lentes de sol, lentes de contacto e productos de mantemento

Así mesmo poderán realizarse revisións periódicas da vista, audiometrías, control da tensión ocular, topografías corneales ou retinografías do fondo de ollo naqueles casos que sexa necesario.

As súas instalación encóntranse en:

C/ Ramón Cabanillas 3 - MOAÑA
Tel. 986 310 756
 

C/ Progreso 37 - VIGO
Tel. 986 119 503

COUNTRYSIDE CAMP, un campamento de inmersión lingüística en inglés

Estimadas familias:

A Federación Provincial de ANPA de Centros Públicos de Pontevedra, quere presentarvos, por segundo ano consecutivo, o programa educativo FANPA  

COUNTRYSIDE CAMP, un campamento de inmersión lingüística en inglés, 

para os/as alumnos/as da ESO e Bacharelato dos centros da Provincia de Pontevedra.

Este ano ademais de organizalo no Concello de Lalín -na primeira semana de xullo en Mouriscadeimos facer outra edición en Pontevedra -no CEIP Príncipe Felipe- na última semana do mesmo mes.

Ofertamos a posibilidade de vivir 24 horas en inglés, os sete días da semana. Pensamos que a través dos campamentos, as competencias lingüísticas que o alumnado adquiriu ao longo do curso poden ser postas en práctica mediante a contextualización dos contidos lingüísticos e non lingüísticos, proporcionando aos/ás rapaces/zas unha situación de inmersión na lingua inglesa.

As familias pagarán soamente parte do custo, a FANPA subvencionará unha parte aos alumnos que sexan socios de ANPA asociadas á FANPA.

PREZOS:

180.00 € neno/a socio/a ANPA federada.

240.00 € non socio/a e de ANPA non federadas.

300.00 € neno/a coles concertados e privados.

Para calquera información, non dubidedes en poñervos en contacto con nós.

Federación de ANPA de Pontevedra
Rúa Alfonso XIII, nº 7, 3 andar (antigo conservatorio)
36002 Pontevedra
Apdo.  511 36080 Pontevedra
Tel e fax: +34 986 84 34 12
info@nontedurmas.org
www.nontedurmas.org

AXUDA PARA TRAMITAR BOLSAS INGLÉS

Estimadas familias:

Dende FANPA-PONTEVEDRA queremos axudarvos coas tramitacións das bolsas publicadas no BOE  o 28/022011, na Orde EDU/404/2011, de 17 de febreiro, pola que se convocan axudas para cursos de lingua inglesa, durante o verán de 2011, destinadas a mozos/as de entre 16 e 30 anos.

De novo, o Ministerio de Educación español concede as BOLSAS MEC idiomas, axudas para a estadía e realización de cursos para perfeccionar o coñecemento de idiomas, a condición de que o estudante cumpra cunha serie de requisitos. O curso realizarase no estranxeiro e terá, polo menos, tres semanas de duración entre o 1 de xullo e o 30 de novembro de 2011. O curso deberá comprender como mínimo 15 horas semanais..

É un servizo de balde para todas as nosas familias, unha das empresas coas que traballamos ofrécese para tramitarvos a beca e todo o relacionado cos cursos, esta tramitación non tería custo ningún para vós e non vos compromete a nada.

Podedes facer todas as consultas que precisedes no seguinte enderezo de mail:

cursosmec2011@gmail.com

DESTINATARIOS DA BOLSA

Mozos/as de España de entre 16 e 30 anos que cumpran os seguintes REQUISITOS:

ñ  Nacidos entre o 1 de xaneiro de 1981 e o 31 de decembro de 1993, bolseiros polo Ministerio de Educación (España) no curso 2009-2010 para estudantes de bacharelato e Formación Profesional.

ñ  Nacidos entre o 1 de xaneiro e 31 de decembro de 1994, que obtivesen a condición de bolseiro para cursar estudos de Bacharelato ou de ensinos profesionais de música e danza, de Grao Medio de Formación Profesional, de Artes Plásticas e Deseño, de Ensinos Deportivos e de Idiomas no curso 2010/2011

ñ  Ter un número de orde (renda per-cápita familiar que lle sitúe dentro do total de axudas a conceder).

   DOTACIÓN

A dotación varía en función do Pais.

PRAZO DE PRESENTACIÓN DE SOLICITUDES: O prazo de presentación de solicitudes será do 14 ao 21 de marzo, ambos incluídos, xa que o prazo remata o 30 de marzo. Os/as interesados/as deberán remitir un correo electrónico con Nome, Apelidos, DNI do alumno/a e un teléfono de contacto á dirección de correo electrónico cursosmec2011@gmail.com.Estaremos a disposición de todas aquelas persoas que desexen ampliar información ou resolver dúbidas o próximo 21 de marzo en horario de 10:00 a 13:30 na sede de FANPA-PONTEVEDRA.

AXUDAS ACTIVIDADES DE FORMACIÓN EN LINGUAS ESTRANXEIRAS NO ANO 2011

AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2011
NOTA INFORMATIVA DO 11 DE MARZO

A Consellería de Educación e Ordenación Universitaria convoca 3.730 prazas para realizar actividades de formación en linguas estranxeiras no ano 2011.

Poderá solicitar estas axudas o alumnado de centros sostidos con fondos públicos da Comunidade Autónoma Galega dos cursos que aparecen na seguinte táboa.

Acceso ao DOG

Acceso ao cartel informativo

 Calcula a túa puntuación (formato M. Excel)

 Prazo aberto dende o 12 de marzo ata o 12 de abril (non incluído)

 

CONSULTAS

Web da convocatoria: http://www.edu.xunta.es/axudasle

Enderezo electrónico: axudasle@edu.xunta.es

Atención telefónica: 981957296 - 981546544 – 881997497 - 981597538 – 981546503

 

Campamentos verán 2011

SOLICITUDES

IDADES
Os participantes deben ter a idade requirida para o campamento que se solicita. En canto as idades mínima e máxima para poder participar na Campaña de Verán 2011, cómpre destacar:

• Os nacidos no ano 1993 non poderán cumprir 18 anos antes da finalización do campamento.
• Os nacidos no ano 2002 deberán ter cumpridos 9 anos ao inicio do campamento.
• O incumprimento destas normas dará lugar a inadmisión da solicitude.

TIPOS DE SOLICITUDES

• Individual
• Múltiple (para o suposto de 2, 3 e ata 4 irmáns que pidan a mesma instalación e quenda e cumpran os requisitos de idade esixidos).

PRESENTACIÓN DE SOLICITUDES

• Vía escrita (utilizando o modelo oficial Anexo II A no caso de solicitude individual Anexo II B se a solicitude e múltiple). Poñer un enlace para poder despregar estes anexos.
• Vía telemática. Os solicitantes deberán posuír un certificado dixital baixo a norma X.509.V3 expedido pola Fábrica Nacional de Moeda e Timbre, Real Casa da Moneda.

Poderá accederse a esta vía de presentación a través da aplicación informática establecida no enderezo da internet: http://www.xunta.es/servizos
Máis información

ESTADÍAS DE TEMPO LIBRE PARA MULLERES SOAS CON RESPONSABILIDADES FAMILIARES NON COMPARTIDAS

ESTADÍAS DE TEMPO LIBRE PARA MULLERES SOAS CON

RESPONSABILIDADES FAMILIARES NON COMPARTIDAS

(Resolución do 25 de febreiro. DOG 50 do 12 de marzo de 2011)

http://www.xunta.es/dog/Dog2011.nsf/0e5fb445f3681a75c1257251004b10d7/e8aefb61

1a991b7dc1257850005e69c8/$FILE/05000D002P004.PDF

OBXECTO

Concesión de prazas en réxime de concorrencia competitiva, para a

participación no programa de estadías de tempo libre para mulleres soas con

responsabilidades familiares non compartidas.

A finalidade é facilitarlles ás mulleres que teñan fillos/as menores

exclusivamente ao seu cargo un espazo e un tempo desligado da súa situación

habitual e no cal poidan intercambiar experiencias a través da convivencia nun

espazo de lecer.

Convócanse ata un máximo de 95 prazas. As estadías teñen unha duración de

entre sete e dez días, en réxime de pensión completa, preferentemente entre

finais de xuño e principios de xullo. Os gastos de aloxamento, manutención,

monitoras e transporte serán gratuítos para as beneficiarias.

REQUISITOS

- Ter fillas/os exclusivamente ao seu cargo con idades comprendidas entre os

2 e os 12 anos.

- Estar domiciliadas en Galicia e, no caso de estranxeiras, ter permiso de

residencia ou tarxeta de réxime comunitario, segundo o caso.

- Dispoñer dunha renda que, tendo en conta todos os ingresos do conxunto

da unidade familiar, dividida polo número de membros que a compoñen,

non supere o SMI (641,40 €/mes).

-Non padecer nin ela nin as/os fillas/os unha enfermidade que requira

illamento e/ou que impida a normal convivencia.

DOCUMENTACIÓN

- Modelo normalizado (anexo I).

- Copia cotexada do libro de familia, informe social, sentenza xudicial de

custodia ou calquera outro documento acreditativo das fillas/os a cargo.

-No caso de estranxeiras, copia cotexada da tarxeta de residencia ou da de

réxime comunitario.

- No caso de discapacidade da solicitante ou dos/as fillos/as, copia cotexada

do certificado correspondente.

- Copia cotexada da declaración do imposto da renda, no caso de non a ter

realizado por non ter obriga de presentala así como no suposto de que as

circunstancias sexan distintas no momento da solicitude, declaración

responsable da situación económica xunto coa documentación que a

xustifique (anexo II).

- De ser o caso, informe do centro de acollemento que acredite que a

solicitante está a residir nel.

- A situación de violencia de xénero, de ser o caso, acreditarase.

- Para xustificar a situación de desemprego, copia cotexada da tarxeta de

demandante de emprego.

- Declaración responsable do aproveitamento do programa (anexo III).

- Informe médico orixinal do SERGAS en que conste que non se padece

enfermidade que requira illamento e/ou impida a normal convivencia.

LUGAR E PRAZO DE PRESENTACIÓN DE SOLICITUDES

As solicitudes presentaranse no rexistro da Secretaría Xeral da Igualdade, de

presentalas noutro rexistro da Xunta de Galicia deberá enviarse unha copia da

solicitude por fax ao número 981 54 19 19 antes da data de remate do prazo de

presentación de solicitudes.

O prazo rematará o 13 de abril de 2011.