TITIRICIRCUS NA CASA DE CULTURA DE RIOMAIOR

A Concellaría de Cultura e Mocidade de Vilaboa informa: Este xoves Vilaboa Comunicación organiza un novo acto que contará coa presenza dos de  Titiriteiros de Tanxarina e cunha contacontos  de Kalandraka.

FESTA SAMAÍN 31 DE OUTUBRO NA CASA DE MONTES

Obradoiro Pintura e fotografía: "Na beira do río. Diálogos na pintura".

Sábado 3 e sábado 10 de novembro de 11:30 a 13:00 horas
Lugar: Sala de Exposicións do Pazo da Cultura
Prezo: Gratuíto
Máis información en www.pazodacultura.org e Facebook

Con motivo da exposición que o Pazo da Cultura acollerá ata o 11 de novembro "Na beira do río. Diálogos na pintura", Ana Seoane (artista da mesma xunto a Teresa Brutcher) impartirá dous obradoiros de pintura e fotografía. Constuindo unha cámara fotográfica a partir dunha caixa de zapatos, os nenos/as tomarán e revelarán as súas propias fotografías, sobre as que posteriormente aplicarán técnicas de pintura. O obxectivo da mesma é aillar obxectos e persoas, tal e como o fai a propia artista na súa obra.

 
Grupo 1: Sábado 3 de novembro, de 11:30 a 13:30 horas.
Grupo 2: Sábado 10 de novembro de 11:30 a 13:30 horas.
Idade: Nenos e nenas de 9 a 12 anos. 
Prazas: 30 (15 o día 3, e outras 15 o día 10)
Inscricións: A partir do luns 22 de outubro de 09:00 a 14:00 horas no Pazo da Cultura.

 
Séguenos en facebook http://on.fb.me/J90GfZ

CONFAPA-GALICIA SECUNDA A INICIATIVA DE CEAPA DE SUMARSE Á FOLGA CONVOCADA POLO SINDICATO DE ESTUDANTES PARA CONVERTILA NUNHA ACTUACIÓN CONXUNTA DO ALUMNADO E AS FAMILIAS

Entre outras cousas, CONFAPA-GALICIA convoca á folga para as nais e os pais para o xoves día 18 de outubro.

CONFAPA-GALICIA considera que a gravísima situación actual demanda unha resposta contundente do alumnado e as súas familias. Estamos ante un ataque sen precedentes aos dereitos do alumnado e das familias, con salvaxes recortes na educación pública que, no contexto actual, vense agravados pola coincidencia con outras medidas igualmente inaceptables.

Iniciamos un curso escolar que supera con creces os peores prognósticos; pensamos que chegou o momento de que o alumnado e as familias, ademais de seguir a realizar mobilizacións conxuntas co resto da Comunidade Educativa, eleven a súa voz para dicirlle ao Goberno Central e ao goberno de Feijoo que está a seguir o seu camiño, que temos chegado a un punto de non retorno, que non estamos dispostos a tolerar nin unha soa medida máis.

Alumnos e pais estamos soportando recortes en todas as partidas, que non fan outra cousa que castigar as xa maltreitas economías familiares, abocando ao abandono educativo a moitos rapaces e rapazas por cuestións económicas. É intolerable e debemos cambiar radicalmente as medidas que se están a tomar.

Sobran os motivos, mais queremos subliñar especialmente que o alumnado e as familias mobilizarémonos conxuntamente porque:

--Non aceptamos un novo cambio de Lei educativa. A sociedade está xa cansa de que cada novo Goberno teime en modificar a lexislación educativa, máxime se, como está a ocorrer agora, faise sen contar cos diferentes sectores buscando cambiar o actual modelo social e satisfacer consignas ideolóxicas.

--Non aceptamos mentiras para xustificar unha reforma do sistema educativo, terxiversando datos e facendo xuízos de valor que non están baseados en datos contrastados.

--Non aceptamos o desmantelamento da educación pública para beneficio exclusivo da iniciativa privada, desviando os fondos públicos para financiar empresas privadas da educación, moitas de dubidosa legalidade que, incluso, atrévense a vulnerar a Constitución coa conivencia de quen deberían cumprir e facer cumprir o marco legal vixente.

--Non aceptamos que se eliminen todo tipo de axudas ao alumnado e ás familias, se incrementen as cotas e as taxas -aínda máis, creándoas onde non existían- , incumprindo o mandato constitucional da gratuidade do ensino e o dereito de acceso en igualdade de condicións.

2

--Non aceptamos que os irresponsables políticos que nos gobernan sigan a insultar ao profesorado que ensina aos nosos fillos e fillas, profesorado que goza do respaldo das familias e do alumnado co que conviven a cotío, nun ataque sen precedentes contra a figura do funcionario público e dos interinos, aos que se trata en ámbolos dous casos como se fosen bonecos de feira, co único obxectivo de poñer a educación en mans da empresa privada e, con iso, de precarizar a profesión docente.

En definitiva, alumnos e familias dicimos: ATA AQUÍ CHEGAMOS e esiximos,

• O cese fulminante do Ministro Wert e de todo o seu equipo

• A retirada inmediata do inaceptable anteproxecto de reforma da LOE

• A paralización inmediata de todas as medidas de recorte e desmantelamento do ensino público

• A apertura, cun novo equipo ministerial, dun proceso real de diálogo cos diferentes sectores da Comunidade Educativa para buscar entre todos o consenso preciso para mellorar, de verdade, o ensino público.

FACEMOS UN CHAMAMENTO ÁS FAMILIAS para que realicen o día 18 de outubro unha folga de nais e pais, consistente en deixar baleiros todos os centros educativos para defender os dereitos dos nosos nenos e as nosas nenas.

Asemade, pedímosvos que facilitedes a posibilidade de que, sos ou coa vosa compaña segundo as idades e maduración dos vosos fillos, poidan estes participar nas manifestacións de estudantes a celebrar na mañá do día 17 e, todos xuntos, facelo tamén nas que se levarán a cabo na tarde do día 18 nas distintas vilas e cidades de Galiza. Do mesmo xeito, pedimos que formedes parte das Asembleas que se convoquen e dos piquetes informativos que se realicen.

Chegou o momento de dar unha mensaxe clara sobre que as cousas teñen chegado a un punto onde nunca tiveron que facelo. Non estamos dispostos a que sigan por ese camiño.

CONFAPA-GALICIA

LIBROS PARA SOÑAR ACOLLERÁ EN NOVEMBRO UN CURSO DE CONTACONTOS IMPARTIDO POR BEATRIZ CAMPOS

A actriz Beatriz Campos vai impartir un curso de contacontos para adultos na libraría infantil Libros para Soñar, que se celebrará do 5 ao 9 de novembro en horario de 17:00 a 20:00 horas. Está dirixido a profesorado, profesionais das bibliotecas, xestores culturais e público en xeral. O prazo de inscrición para este curso de contacontos xa está aberto na libraría Libros para Soñar, e o prezo das xornadas formativas é de 35 euros (30 euros para estudantes e parados).

LIBROS PARA SOÑAR: Triunfo, 1. Vigo | Tlf. 986 43 37 68 | lps@kalandraka.com | Libros para Soñar en Facebook

Convite Inauguracion Exposicion "Outro lado. Outra vida"

O Alcalde de Pontevedra, Miguel Anxo Fernández Lores, e a concelleira de Cultura, Anxos Riveiro Portela, comprácense en convidar a vostede á inauguración da exposición.

Outro lado. Outra vida

coa fotografía de Miguel Vidal, na que se amosa o coñecemento de diferentes persoas que soen atoparse ao outro lado das redes sociais. Terá lugar o vindeiro xoves, día 20 de setembro de 2012, ás 20 horas, na sala de exposicións do Pazo da Cultura.

FESTA NA PISCINA O MÉRCORES 27

O C.D. Rías do Sur, organiza un año máis a festa de hinchables acuáticos  o día 27 de xuño a partir das 16:00 horas. Para poder acudir será imprescindible inscribirse na recepción do centro.
Os cursos de natación quedarán clausurados coa celebración da citada festa, polo que, o  día 27 será o último día de curso para todos os alumnos.

Cambio 2º prato no comedor venres 22

MOCHI informa que:
o segundo prato do día 22 que constaba como  lasaña, será sustituido por milanesa de polo con patatas.

EN DEFENSA DO ENSINO PÚBLICO

Campaña de Compostaxe: presentación na Casa de Cultura de Riomaior

Concerto do Día das Letras Galegas - Consello da Cultura Galega e Concello de Pontevedra

Data: mércores 16 de maio ás 21:00 horas
Lugar: Auditorio do Pazo da Cultura
Prezo: Entrada Libre ata completar aforo

Miguel A. Fernández Lores, Alcalde de Pontevedra e Ramón Villares, Presidente do Consello da Cultura Galega, teñen o pracer de convidarte ao Concerto do Día das Letras Galegas no que a Real Filharmonía de Galicia, a Sociedade Coral Polifónica de Pontevedra e o Coro Académico do Conservatorio Manuel Quiroga, baixo a dirección de Maximino Zumalave, interpretarán obras de Antón García Abril, Juan Durán e Rogelio Groba, partituras compostas sobre textos de Celso Emilio Ferreiro, Valentín Paz-Andrade e Ramón Cabanillas.  

Máis información en www.pazodacultura.org e facebook: http://on.fb.me/J90GfZ

Formación Cruz Vermella maio/xuño Pontevedra

Conferencia: Paz Andrade. O home que non só soñaba

Participación do CEP de Riomaior no Cross do CEP de Coiro en Cangas.

O pasado domingo día 29 de abril os alumnos e alumnas do CEP RIomaior asistiron ó cross escolar organizado pola anpa do CEP de Coiro en Cangas. A pesar do duro que lles resultou o circuito e do nivel dos participantes, os alumnos do CEP de RIOMAIOR obtiveron postos destacados e disfrutaron dunha mañá deportiva en compañía de compañeiros e amigos.

Invitación para o I Encontro Lectura e Familias en Sanxenxo

Lugar: Auditorio Emilia Pardo Bazán de Sanxenxo

Data:  12 e 13 abril de 2012, ás 20:00h.

Charla xoves 12 de abril: Alcol e adolescencia

Segundo o Plan Nacional sobre Drogas a idade media de inicio de consumo de alcol en
Galicia sitúase entre os 13 e os 14 anos. O alcol pode causar danos irreversibles no cerebro
dos adolescentes afectando ao desenvolvemento da aprendizaxe, a concentración e a
memoria, entre outros.
En Galicia, as intoxicacións etílicas atendidas polos servizos de emergencias aumentaron
un 70% desde o ano 2000. Máis dun 25% dos atendidos tiñan menos de 14 anos.

Data: xoves, 12 de abril ás 20:00

Lugar: Museo do Moble e da Madeira; Avda. Benito Vigo. Concello: A Estrada

CHARLA IMPARTIDA POR: 

MANUEL ISORNA FOLGAR
DOUTOR EN PSICOLOXÍA POLA USC
MASTER EN DROGODEPENDENCIAS.
PSICÓLOGO DA FUNDACIÓN GALLEGA CONTRA EL NARCOTRÁFICO.
PROFESOR DA UNIVERSIDADE DE VIGO
PSICÓLOGO DEPORTIVO

Charla integrada dentro do programa “Escola de Familia” do Departamento de Prevención de Drogodependencia do Concello da Estrada.

Contacontos solidario os venres de abril en Pontevedra

Os vindeiros 13, 20 e 27 de Abril haberá un Contacontos Solidario co fin de recadar fondos para os programas da Asociación Down Pontevedra XUNTOS. As contadas virán da man de Pavís Pavos, Andrea Bayer (Baobab teatro) e Golfiños.
A venda de entradas farase na billeteira do Café Moderno (Praza de San Xosé), o mesmo día das contadas, tendo un prezo de 8 euros cada día ou adquirindo un bono de 15 euros para os tres días. Ademais haberá fila cero no local da Asociación (R/ Rouco nº1 2º)

ACTIVIDADES DO NÁUTICO COBRES EN SEMANA SANTA

A petición do Club Náutico Cobres, damos noticia das actividades que van levar a cabo durante as vacacións de Semana Santa e fins de semana do mes de abril:

Circular sobre o nº da conta bancaria e cambios na directiva.

Estimadas Familias:

            Estamos a detectar problemas nos ingresos das actividades extraescolares e do comedor. Por erro, estes ingresos fanse na conta do Colexio. Pregamos, que no futuro, amosen o nº da conta bancaria da A.N.P.A. 2080-5081-95-3040003162  no momento de efectuar os ingresos.  

         Informamos tamén que  a Consellería de Educación convocou axudas para alumnos que queiran realizar actividades de aprendizaxe de linguas estranxeiras no 2012. A convocatoria vai dirixida ao alumnado de 6º de Primaria e os catro cursos da ESO, que poderán gozar de estadías formativas en ‘vilas inglesas’ en Galicia e de actividades para a aprendizaxe do francés; e aos estudantes de bacharelato e Formación Profesional, que desenvolverán as actividades formativas en Canadá, Reino Unido, Francia e Alemaña. Prazo aberto ata o 7 de abril. Máis información en : https://www.edu.xunta.es/axudasle/

­­­­­­­­­­­­­­­­­­­­­­­­­­­­­­­­­­          Dado que se produciron algúns cambios no organigrama da directiva da ANPA, aproveitamos tamén para informarvos dos mesmos. E recordarvos, que ante calquera alta ou baixa nas actividades extraescolares, debe ser comunicada ós delegados. 

DIRECTIVA:

  -Presidenta: Matilde Gómez Franco.

  -Vicepresidenta: Mª Luísa Poceiro Camiña.                             

  -Secretaria: Palmira Calvar Rosendo.

  -Tesoureiro: Miguel Ángel Ríos.

DELEGADOS:

  -Santradán: Ángeles Lago Fernández.
  -Curra / Ubeiras: Ramón Ogando Espantoso.
  -Pousada: Ana Portela Casal.
  -Nores: Mª Luisa Poceiro Camiña.
  -Pazos: Rafael González Fernández.
  -Cardiña: Palmira Calvar Rosendo.
  -Muíño / Magarella: Clara María Fernández Casal.
  -Barciela / Acuña: Matilde Gómez Franco.
  -Areeiros / Vilar: José Carlos Martínez López.

   …..………….......…………….......……………………………………

Nº da conta bancaria da A.N.P.A. 2080-5081-95-3040003162